Normurod Norqobilov

Yozuvchi Normurod Norqobilov asarlari o‘zbek, qozoq, qoraqalpoq, qirg‘iz tili darsliklariga kiritilgan, bir necha tillarga tarjima qilingan.

U «Shuhrat» medali bilan mukofotlangan.

Tarjimai hol

Normurod Norqobilov 1953 yil 7 iyulda Qashqadaryo viloyatining Yakkabog‘ tumanidagi Qishliq qishlog‘ida tug‘ilgan.

Normurod Norqobilov Hamid Olimjon nomidagi o‘rta maktabni 1970 yilda tugallagan.

So‘ngra 1976-1982 yillarda Toshkent Davlat universitetining jurnalistika fakultetida o‘qigan.

Yozuvchi bo‘lmoq uchun hayotni o‘rganmoq kerak, degan shiorga amal qilib, zavod va fabrikalarda slesar, temir yo‘l depolarida vagon tuzatuvchi, stantsiyalarda yuk tushiruvchi bo‘lib ishlagan va turli toifadagi kishilar bilan yaqin muloqotda bo‘lib, ularning xarakter xususiyatlarini, dunyoqarashlarini o‘rgangan.

Normurod Norqobilovning asarlari o‘zbek, qozoq, qoraqalpoq, qirg‘iz tili darsliklariga kiritilgan, bir necha tillarga tarjima qilingan.

U «Shuhrat» medali bilan mukofotlangan.

Ozmi-ko‘pmi bu o‘rganganlari asarlariga ko‘chgan.

Keyin u tabiat shaydosiga aylanib, O‘zbekistondagi ko‘pgina tog‘ va qirlarni, dala-dashtlarni qadamma-qadam kezib chiqqan.

Oqibatda hayvonot dunyosiga oid bir qancha asarlari yuzaga keldi.

«Changalzor iti», «Oqbo‘yin», «Tog‘ odami», «Paxmoq», «Ovul oralagan bo‘ri» kabi qissalari shular jumlasidan.

Baxt nima? Tiriklik-chi? Tiriklikning tirgagi nima? Baxtsizlikning qanday shakl-shamoyillari bo‘ladi? Umuman olganda, baxtsizlikning rangi bormikan? Inson bolasi shu ikki qutb o‘rtasida sarson yashab, biridan ikkinchisiga intilarkan, hamisha o‘zligini izlaydi. O‘sha qidirgani mehr emasmikan, o‘zlik emasmikan? Bu kabi savollarga Normurod Norqobilovning asarlaridan javob topasiz.

Shu paytgacha yozuvchi o‘ndan oshiq kitob chop ettirdi.

«Unutilgan qo‘shiq», «Zangori ko‘l», «Yuzma-yuz», «Temur g‘ori», «Paxmoq», «Arazchi chumchuq», «Sariqgul», «Jo‘shqin daryo», «Bekatdagi oq uycha» shular jumlasidan.