Ozodbek Nazarbekov

Ozodbek Nazarbekov Axmadovich 1974 yil 7 mayda Andijon viloyati, Shahrixon tumanida tug`ilgan.  1994 yildan buyon qo`shiqchilik san`ati bo`yicha o`z ijodiy faoliyatini boshlagan.

2002 yildan buyon "O`zbeknavo” estrada birlashmasida yakkahon honanda sifatida faoliyat yuritadi. Ozodbek Nazarbekov 1994 yildan buyon Respublika miqyosidagi davlat tadbirlarida: O`zbekiston Respublikasi konstitutsiyasi, Navro`z umumxalq bayrami va Mustaqillik bayramlarida faol ishtirok etib kelmoqda. Respublikamizning barcha viloyatlarida o`zining yakkahon konsertlarini namoyish etgan.

2003 yil 22 iyunda Turkiston saroyida "Oydin kechalar” deb nomlangan yakkahon konsertini, 2005 yil 15-16 aprelda esa Xalqlar do`stligi saroyida "Yuragimdan kuylaganim sen” deb nomlangan konsertini,

2006 yil 12-13-14-15 aprel kunlari "Sening darding...” deb nomlangan konsertini o`z muxlislariga taqdim etgan. 1994 yildan buyon honandaning 7 ta audio, video kasseta va disk to`plamlari yozilib, sotuvga chiqarilgan. Respublika, viloyat, tuman va shaxar televideniya tarmoqlarida honandaning "Kel, ey yorim" (1994 y), "Toshkentim go`zallari" (1997 y), "Barno" (1997 y), "Kechalar" (1998 y), "Chandiq Qiz" (2002 y), "Chang ko`chalar" (2002 y), "Bevafo" (2003 y), "Jonim manim" (2005 y), "Kuyib qolganman" (2006 y), "Vatan" (2006 y), "Yomg`ir" (2006 y) kabi o`nlab qo`shiqlari, musiqiy kliplari muntazam namoyish etib kelinmoqda. Hozirda Ozodbek Nazarbekov Mannon Uyg`ur nomidagi San`at oliygohining 3-kurs talabasi.