Kamtarin inson, iste’dodli shoir Sulton Akbariy adabiyotimizda baxshiyona uslubda qalam tebratgan shoirlardan biri. U mohir dostonnavis, tarjimon sifatida ham samarali ijod qilgan. Binobarin, u o‘z ovozi, o‘z uslubiga ega shoirlardandir.
Adabiyotimizda baxshiyona uslubda qalam tebratgan shoirlar anchagina. Sulton Akbariy - shulardan biri. Sulton Akbariy 1923 yilning kech kuzida Toshkentda tug‘ilgan. O‘rta maktabni tugatiboq, mehnat faoliyatini gazetalarda adabiy xodimlikdan boshlagan. Toshkent Davlat pedagogika institutining so‘nggi kursidan frontga ketgan. Jangdan qaytgach, yana jurnalist sifatida faoliyat olib borgan.
U «Xorazm haqiqati» gazetasida bo‘lim boshlig‘i lavozimida ishlab yurgan kezlarida Qo‘ng‘irot temir yo‘li qurilishi haqida «Cho‘ldan maktublar» nomli turkum ocherklarini e’lon qilgan. U 1948 yili Toshkentga qaytib, 1952 yilgacha gazetalarda faoliyat ko‘rsatdi, so‘ng Moskvadagi Oliy adabiyot kursida tahsil oldi.
So‘ngra «Toshkent» badiiy adabiyot nashriyotida bosh muharrir, «Toshkent haqiqati», «Guliston», «O‘qituvchilar gazetasi» kabi gazeta va jurnal tahririyatlarida mas’ul lavozimlarda ishladi.
Kamtarin inson, iste’dodli shoir Sulton Akbariy 1997 yilning bahorida hayotdan ko‘z yumdi.
Sulton Akbariyning dastlabki she’riy to‘plami 1950 yilda e’lon qilindi. Shundan keyin uning yigirmaga yaqin she’riy to‘plamlari va dostonlari chop etildi.
Faoliyati
Sultonning yigirmaga yaqin she’riy to‘plamlari va dostonlari chop etildi. Ular orasida «Imonim, e’tiqodim», «Yaralangan qo‘shiqlar», «Suluv suluv emas, suygan suluv», «Shukrona», «Mehrigiyo», «Dovon va devon» kabi she’riy majmualari alohida ajralib turadi.
Sulton Akbariy mohir dostonnavis sifatida ham ko‘plab asarlar yaratgan. Ular orasida, ayniqsa, «Girdob» (1964) dostoni kitobxon va adabiy jamoatchilik e’tiborini qozongan. Uning «Qatag‘on» (1992) dostonida sovet davlati mudhish siyosatining g‘ayriinsoniy mohiyati ochib tashlangan.
Sulton Akbariy tarjimon sifatida ham samarali ijod qilgan. Uning qalamiga mansub tarjima asarlar orasida qirg‘iz eposi «Manasdan qilgan tarjimalari muayan o‘rinni egallaydi.
Lotin.uz — foydalanuvchilarga berilgan matnni lotindan kirillga va aksincha o‘girish xizmatini taklif etadi.
Imlo.uz — O‘zbek tilining imlo lug‘ati. Saytda 85 000 ortiq so‘z bor.
Har kuni eng sara latifalar va kulguli rasmlar. O‘zbek tilidagi kulgu markazi!
TVinfo.uz — Bugun, ertaga, keyingi hafta uchun toʻliq teledasturlar.
Maqol va naqllarning eng katta kolleksiyasi. Har bir maqol uchta tilda (o‘zbek, rus, ingliz).
Valyutani yuqori kursda almashtirish uchun yaqin punktlarni aniqlab beruvchi servis. Punkt joylashuvini kartada ko‘rsatadi.
O‘zbekcha telegram kanallarning eng katta katalogi. Faqat faol kanallar, ruknlarda va batafsil statistikasi bilan.